Уҡытыусы!
Ошо исемдән дә
Артығыраҡ ниндәй исем бар?!
Күңелем тулы һиңә рәхмәтем бар,
Йырҙа әйтеп бөтмәҫ хисем бар.
Хөрмәтле мәғариф хеҙмәткәрҙәре, педагогия хеҙмәте ветерандары!
Һеҙҙе Халыҡ-ара уҡытыусылар көнө менән ихлас ҡотлайбыҙ!
Был байрам барыбыҙға ла ҡәҙерле. Ул иҫтәлекле мәктәп һәм студент йылдарына алып ҡайта, остаздарыбыҙға оло рәхмәтебеҙҙе белдереү мөмкинлеген бирә, изге уҡытыусы хеҙмәтенең ҙур әһәмиәтен билдәләй.
Һеҙҙең һөнәрҙе ижади эҙләнеүҙәрһеҙ һәм даими камиллашыуһыҙ күҙ алдына килтереү мөмкин түгел. Мәғариф системаһы тәжрибәле оҫталарҙы һәм һәләтле йәш педагогтарҙы, балалар менән эшләү бар булмышына әүерелгән бик күп уҡытыусы династияларын берләштерә.
Республикала уңышлы эшегеҙ, уҡытыусы һөнәренең дәрәжәһен арттырыу өсөн тейешле шарттар тыуҙырыла. Уҡыусылар алдында һеҙ өр-яңы белем донъяһын асаһығыҙ, уларҙа үҙаллылыҡ, даими үҫешкә ынтылыш тәрбиәләйһегеҙ, юғары әхлаҡи йүнәлеш биреү йәһәтенән өлгө күрһәтәһегеҙ.
Намыҫлы хеҙмәтегеҙ, аҡыл ҡеүәһе һәм фиҙакәрлегегеҙ, сабырлыҡ һәм балаларға ихлас һөйөүегеҙ өсөн ҙур рәхмәт.
Һеҙгә ныҡлы һаулыҡ, именлек, барлыҡ изге эшегеҙҙә илһам һәм уңыштар теләйбеҙ!
Байрам менән, хөрмәтле уҡытыусылар!
Постановление от 16.09.2021 № 2686 Об утверждении административного регламента предоставления муниципальной услуги «Зачисление детей в муниципальные общеобразовательные учреждения» в городском округе город Стерлитамак Республики Башкортостан